عسگرینون بالاسی مهدیدی جان قربان اونا
عسگرینون بالاسی مهدیدی جان قربان اونا
جان که ناقابل اولار کون و مکان قربان اونا
ابر و بادو مه و خورشید و جهان قربان اونا
سال نظر عشقیله انگشتر عشقین قاشینا
مرحبا سویله اونون اوچ یوز اون اوچ یولداشینا
باغبان بوگلی گلشنده گل ناب تانور
چوخی ظلمتده دی اما اونی مهتاب تانور
شیعه لر بو آقانی عالمه ارباب تانور
قلم عاجزدی یازا وصفیله القابیلرین
سسله(یامهدی)چیخا تا گوزی وهابی لرین
گلشن معرفته جلوه ویروب یاس کیمی
کسه جاق ریشه ی ظلم و ستمی داس کیمی
مهدی فاطمه غیرتلیدی عباس کیمی
شانینه باخ یوزونه گویده کی آی واله دی
عبدصالحدی عموسی بو اباصالحدی
آند ویرم سنی ای منتظر پاک نفس
اوجالوب عرشه عراق و یمن و شامیده سس
داعش و آل سعودین تز آقا نسلینی کس
سازمان مللون سردرینه یازدیر علی
ویر او وهابیلره سیلی بین المللی
باخما که آل سعود ئولدورور اهل یمنی
باخما که حاجیلارا ظلمین ایدیبدور علنی
چکوری فرشچیان، طرح ضریح حسنی
بهلول حبیبی زنجانی