حسینه یرلر آغلار گویلر آغلار + صوت استاد شهریار

( فیلم )

حسینه یرلر آغلار گویلر آغلار

بتول و مرتضی پیغمبر آغلار

حسینون نوحه سین دلریش یازاندا

مسلمان سهلدیر که کافر آغلار

کور اولمیش گوزلرین قان دوتدی شمرین

که گورسون اوز اَلیندَه خنجر آغلار

حسینون کوینگی زهرا اَلیندَه

چکر قیحا قیامت محشر آغلار

آتاندا حرمله اوخ کربلاده

گوریدون دشمن آغلار لشکر آغلار

قوجاغیندا گوریدون ام لیلا

آلیب نعش علی اکبر آغلار

رباب نیسگیل دوشنده سود گورنده

علی اصغری یاد ایلر آغلار

باشیندا کاکل اکبر هواسی

یل آغلار سنبل آغلار عنبر آغلار

یازاندا آل طه نوحه سین من

قلم گوردوم سیزیلدار دفتر آغلار

علی شق القمر محراب تیلیت قان

قولاخ وئر مسجد اوخشار منبر آغلار

علیدن شهریار سن بیر اشاره

قوجاغلار قبری مالک اشتر آغلار